Achternholter Klönschnack

No denn langen Winter mit väl Is und Schnee keem us de Idee mol een Klönschnack mit de Keerls ut use Dörp to moken. Wi denkt dorbi an de, de all an längsten hier wohnt. Also wi lord alle Manslü ut Achternholt, de so um de 65 Johr und öller sind, ganz hardlich in dorbi mitomoken.

Peter Penat will een Eck fein warm moken und för jeden een Platz free holen. Dat gift kein Programm und uk nix umsünst. Ober komt man trotzdem eben her und schnakt mit ole Bekannte. Wenn ji al komt denn dröpt ji gewiss väl Lü de ji lange nicht sehn hebbt.

So ganz unegennützig is düsse Inlodung von us natürlich nicht. Ji hebbt jo bestimmt al mitkrägen dat de Jungs von denn Donnerbalken girn mol een bäten Dummtüch schnakt. Und wi denkt dat ji all väl beleft hebbt und een groden Schatz ut ole Tieten in jo drägt.

Nu överlegt man noch een bäten und denn kann de ganze Tünkrom up`n Disch koomen. Und wenn wi dorvon noch wat verarbeiten könt, denn mokt dat vielicht jo noch mehr Lü Spoß.

Dat ganze schall stattfinden an 16.März um 19 Uhr in Achternholter Krog. Wer kien Blödsinn to vertelln weet de schall ober uk koomen. Wi reekt mit jo.

Freundlich gröt de Donnerbalkengang