Drucken

Frohe Weihnachten 2014

Geschrieben von de PR-Manager.

Frohe Weihnachten

Eine kleine Anekdote, passend zur Jahreszeit:

 Jesus warrd boren

Dat weer to de Tiet, do leet de Kaiser Augustus den Befehl utgahn: All de Inwahners in dat römische Riek schullen in de Stüüerlist inschreeben warm. Disse Aart Inschrieben to en Stüüer weer wat Niees, un se worr maakt, äs Cyrenius den Kaiser sien Stattholer in Syrien weer. Un all de Lüüd güngen hen un leeten sik inschrieben, jedereen in sien Heimatstadt. Ok Joseph maak sik domais op de Reis ut de Stadt Nazareth in Galiläa hen nah de Davidstadt Bethlehem injudäa; denn he weer ut David sien Huus un Familie. Dor müß he sik inschrieben laten tosamen mit Maria, de em antruut weer. Un se schull bald Mudder warrn. Un denn keem dat so: As se dor ankamen weren, do weer dat so wiet, un ehr sware Stünn keem. Un se kreeg ehren eersten Söhn. Un se wickel em in Winneln un legg em in en Krüff. Denn anners harrn se keen Platz in de Harbarg. Un in desülwige Gegend weren Harders op't Feld. De hardern ehr Veeh bi de Nacht. Un een vun Gott sien Engels treed vor ehr hen. Un de Herrn sien Licht strahl um ehr rüm, un se verfehren sik öwer de Maten. De Engel awers sä to ehr:
»Weest nich bang! Höört to: Ik segg ju en grote Freud an, un de gellt för dat ganze Volk. In David sien Stadt is vundaag ju Heiland to Welt kamen, de Messias, de Herr Christus. Un dit is dat Teeken för ju: Ji finnt dat Kind in Winneln inwickelt un in en Krüff liggen.« Un denn weer miteens dat ganze Himmelsheer bi den Engel. Un de löövten Gott un sungen: »Ehr wecs Gott in de Hööchde un Freeden op de Eerd bi de Minschen, de goden Willen hebbt!« Un denn, as de Engels wedder torüchkehrten nah den Himmel, do sään de Harders een to enanner: »Laat uns gau nah Bethlehem hengahn un nahsehn, wat dor passeert is nah den Herrn sien Woord!« Un so gau as se kunnen, leepen se hen. Un se funnen Maria un Joseph un dat Kind; dat leeg in de Krüff. Un äs se dat sehn harrn, do verteilen se, wat se öwer dit Kind to hören kreegen harrn. Un all de Lüüd, de dat hören dään, de wunnem sik, wat de Harders ehr verteilen dään. Maria awers kunn all disse Wöörd nich vergeeten, un se leet se sik jümmer wedder dörch't Hart gähn. Un de Harders güngen wedder torüch nah ehr Veeh. Un se löövten Gott för allens, wat se sehn un wat se höört harrn. Dat weer just so ween, as de Engel ehr dat anseggt harr.